جيت ادور بالفيافي روض طامن ..
..يحتوي وردة خفوقـي ويْحتميهـا
قلت يمكن القى فيه الـوِد كامِـن
..من سنا روحن غرامي يحتويهـا
يوم لاح البرق والغيم مْتضامـن..
.ارعدت نفس ن غرامك مهتويهـا
جيت كلي يامُنَـى الخفـاق آمِـن.
.امتطي غيـم المحبـه واعتليهـا
جيت ابيك تكون لي سهل متطامن.
.اطمع بقصـة غـرام آذوب فيهـا
الجوارح والمشاعر فيـك هامـن.
.والحنايا زايـد الشـوق يْحَديهـا
اسهر الليل وعيون النـاس نامـن
.السهـر والدمـع عينـي مبتليهـا
ورد حبك في رياض الشوق زامن.
.محتـوي قلبـي شـذاه ومكتفيهـا
صدت الاشعار عن غيرك وشامن.
.الا في حضـرة سمـوّك ابتديهـا
لاتقول ان الهوا والشـوق مامـن..
...تخفي اللهفه ولاحد حـس فيهـا
الامان اللـي فقدتـه بالمضامـن..
.بالامل...اجمع جروحي وانتهيهـا