رجوعك عيد ثالث

فرحان بن منصور الرشيدي




هلا يا مرحبا باسم أبو متعب خادم البيتين
وباسم الشعب كله واسم سكان السعودية
رجوعك يا أبو خالد عيد ثالث والسنة عيدين
سعدنا في شفاك ورجعتك للدار عيدية
عقب طال الغياب وكنت عنا وين وحنا وين
على رجوى رجوعك للبلاد قلوبنا حية
لهم مدة على جمر انتظارك شعبك الغالين
كثر فيك القصيد وكثرت النشده عن الجيه
وجودك في وزارات الدفاع أكبر فخر للدين
يا ساس القادة العليا وقوتنا الدفاعية
ذرانا اللي يذرينا لياصار اليسار يمين
إذا هبت جنوبية وإذا هبت شمالية
يا بن عبدالعزيز الفيصلي يا معرب الجدين
عسى عمرك يطول وصفحة الأحزان مطوية
هلا واهلن هلا واهلن هلا يا مروي السيفين
عدد ما تنبت الأوراق بالأرض السماوية
الرابط/ http://www.okaz.com.sa/new/Issues/20...1212320244.htm