انا لي صاحبن مبطي ولا شفته ولا جاني=ثمان اشهور ماشفته ولاجاني ولا جيته
عساك ابخير يااحمد فتش النوته وعنواني=ماغير في عناويني وراع الطيب حبيته

هلا يامرحبا وشلون تذكرني وتنساني = قريت اللي كتبته لكن ان الصوت ما وحيته
ذكي يا عابد البراك فكرك فكر نصراني = يا طيبك يوم جبت القاف بأسلوبك وسريته

تمرالدار مستعجل وشيخ القوم زعلاني=عليك احقوق كان الشيخ ماجيته ولاارضيته
كلام الصدق مايزعل ودورني وتلقاني=نسيت الماقف الحامي لاكني ماتنسيته

عساها عامره بشيوخها والهرج مجاني = غريب اللي تقوله منك علم ٍ ما تحريته
ان كان الاسم هذا ما تغير يا كحيلاني = سليم من الحقوق ولو يناد يني ما ناد يته

نسيت امك حسافه من غلاها صرت وحداني=مابين اعيالها غلاك وانت اللي تخليته
وضوح الشمس يااحمد مايتخفا ضوها باني=حقايق والحقايق بينه بانت بتوقيته

يا عابد بارك الله فيك نبغى منك برهاني = من يسولف بلا برهان ظالم وانهدم بيته
أنا شاعر ولي عود ٍ على الجزلات وصاني = والأجحد شاعرِ ٍشرواك ذاع مع العرب صيته

تجهلت الحقيقه يوم جت من منطق الساني=عليك اشهود بقصى الحد يوم انك تعديته
كلامك زين يازينه وانا ماقول غلطاني=ياراع الطيب وان الطيب طابلك وتبنيته

أنا اسمي ما يتغير بالحفر ولا بكيفاني = و أنا حر ٍ عشاه بمخلبه والراس ما ارخيته
لقيت أمجاد ابن براك تدخل كل ميداني = ولو يزعل عليه ويتحدى ما تحديته

لقاك اللي لقاك بسوق واقف لاتبلاني=بطاقتك الجديده خوذهالامن مريته
لقيت اللي لقيته علم تاريخه وكفاني=يابن عمي عضيدي مجدنا معاي سويته

علامك ضاق صدرك وأنت صدرك صدر رحباني = وش اللي جاب هذا عند هذا وين وديته
أنا ما أقول غير الصدق والفهمان فهماني = وليامني لقيت العلم عن شرواك ما أخفيته

ماودي تبعدويلعب عليكم كل شيطاني=اخاف ان يتعدا الفجرويقولون صليته
معزبكم من اهل الدار والا واحدن ثاني=تفاخربه وعلمني عنه لامن تسميته

أنا عندي عصا موسى ومعك خاتم سليماني = لو الشيطان يقرب حولنا بذنيه جريته
معزبنا ولد عبد العزيز الحر حوراني = مالي غيره معزب وأنت علمك وين سجيته