بسم الله الرحمن الرحيم ..



سوف انقل لكم الحوار الذي دار بين الكابتن ياسر القحطاني ومذيع قناة mbc ماجد التويجري ..
في برنــامج صــدى الملآعــب ..



ابتدأ الحوار من عند الكابتن ياسر ,,


اخوي مصطفى الآغى حبيبي , انا مدري ليش قالب علي هو ومايحبني او شي زي كذا لأنه قاعد يحاربني او على راس محاربين ياسر القحطاني انا اعتبره , بسبب !! اختياره للصوره التي بجانب البلازما اللي كني خايف من شاشة البلازما .. فعلى فكره الشعر طلع ..



ياسر القحطاني مر بفترات تذبذب فالمستوى مالسبب ؟
بسبب اني سويت عمليه ولعبت بعد 11 يووم وهي عمليه جراحيه وانت المطلوب لك شهر ونص راحه ..



هنا من يتحمل المسؤولية ؟
انا ..



لماذا ظغطت على نفسك وتحملت مسؤوليه من هذا النوع ؟
لأني احب الهلال والمنتخب .. وانا ماادري هل احيانا ً انُ تراجع ياسر او تراجع اي لاعب يكون عليه العين يعني انه تراجع ممنوع وانه محرم وانا ماقريت فيها لادليل ولا آيه ولا شي . فأنا استغرب دائما ً يعني , بإصابه انه ممنوع تتأثر وكذلك عدم جاهزيه ايضا ً ممنوع انه يتأثر مستواي فهذا شي غريب فأنا لو جلست اشرح او استمر على انه ياسر هابط مستواه او لم يعود الى مستواه او لم يقدم المستوى المأمول .. فالنهاية انا اشوف مهما كثر المقيمين سواء ان كان جماهير او نقاد او مدربين ففي النهاية المدري هو المقيم الاول لانه هو الشخص الفني الوحيد اللي نقتنع في كلامه . والنقاد ينقسمون الى قسمين اما نقد يبحث عن محبه او بحث عن مصلحه او نقد استهداف ومحاربه . فأنا الحمد لله لدي العقليه الكامله اللي اعرف افرق اللي يقصد كذا ويقصد كذا .. والجماهير تتبع احيانا ً اهواء المنتقدين فأتمنا انا بالنسبه لي الجمهور العزيز يشيل الفاصل هذا. ويخلي علاقة بياسر ( دايركت ) وايضا ً فيه بعض النقاد واتمنى وضع مليووون خط تحت كلمة بعض اللي هم ناس كفؤ انه يكون ناقد رياضي . ولكن للأسف ان البعض الآخر اصبح مهنة لمن لامهنة َ له ..


هل تعتقد ان المقصود ياسر شخصيا ً ولا المقصود نادي الهلال ككل ؟
ككل ياسر او الهلال وقد يكوون الامير عبدالرحمن وقد يكون عداوة ً في اي احد وممكن يكون واحد يكره اخوي .. يعني مو شرط يكون له علاقه بالنادي لكن فالنهاية تبقى هي محاربه ..


الظغط هذا تحس انه ساهم في عملية عدم سرعة قدرتك على العوده ؟
الحمدلله انا ماوصلت لمرحلة ظغط السبب اني قلتلك اعرف افرق بين الناقد اللي لمصلحتي والناقد الذي يدور بمحاربتي فمعنى هذا انني كاشف الموضوع فما راح اتأثر من كلام المحارب وسوف اخذ كلام الناقد الذي يبحث عن المصلحه بعين الاعتبار بما انه يبحث عن المصلحه .. وبالنسبه للجماهير فأنا اعرف ان الجماهير هي الداعم الاول لياسر او لأي لاعب كوره وللأمانه انا اشوف اني انا محسود على جماهير الهلال لان ُ جماهير صراحة ً قاعدة تأزر ياسر في كل الاوقات وكذلك وقفت اعضاء الشرف مع ياسر وقفه حقيقيه وصادقة .للأمانه مافي اي عضوا جامل ياسر او انه حاول مجاملة ياسر بالعكس كان الكل يتكلم بصراحه وبكل بساطه وكنا نتفق في امور ونختلف في امور ودائما ً هذي اللي يوصل للنجاح ...


لو استعرضنا الاثلاث او الأرع الانديه اللي متوقع انها تبحث عن ياسر وعندها اتسعداد ان تدفع السيوله الشباب - النصر - الاهلي -الاتحاد . هل ممكن نقول ان الاربعه كان فيه كلام ؟حتى لو مو رسمي ؟


لا مو كلهم .


هل اثنين منهم ؟


لا في ثلاثة منهم .


هل هي الاتحاد - الشباب - النصر ؟
ماراح ابين لك لانه مو لعبة اضماء , بس لأنه احترام للأشخاص ماراح اذكر بس انا بالنسبه لي عادي اتكلم بس هم يمكن يرغبون ان لايظهر اسمهم او اسم ناديهم ..


هل المبالغ الماديه التي عرضت اقوى من المبلغ الذي تحصل عليه ؟
انا قلتلك انا محظوظ انه ينتهي عقدي في وقت رئاسة الامير عبدالرحمن بن مساعد وفي نفس الوقت مقرود انه ينتهي في وقت الامير عبدالرحمن بن مساعد لسبب اني محظوظ انه رجل احترمه واقدره لأبعد الحدود ورجل مستحيل انك تحس انه راح يهضم حقكـ . ومقرود لأني مستحيل اناقش الامير عبدالرحمن بن مساعد في اي ريال واحد ..


طيب بأمانه لو كان ياسر في عز توهجه اللي كلنا نعرفه وحصل على افضل لاعب في اسيا وكنا نراهـ افضل لاعب سعوودي هل تكون معاملة بالعقد غير ؟
اقسم لك بالله انه ماتغير عن الموضوع اية معامله وانه اللي رغب فيه ياسر حصل عليه ..
طبعا بمكرمه من الامير عبدالرحمن بن مساعد واعضاء شرف الهلال ..


ليه يعني انت ماتستحق ؟


انا مااقدر اقيم نفسي .







واللـقــــاء سوف يعرض اليوم الجمعه كــاملا في برنامج صدى الملاعب ..






وفي النهـــايــهـ .


اتمنى ان اكون ووفقت في نقل االحــوار نصيــا ً ..






ودمتم بوود ..
الموج الازرق