هذه القصيدة كتبتها بطلب من أحد أصدقائي على لسان أخته المطلقه وهي متوفره بالصوت على هذا الرابط http://upload.9q9q.net/file/0zxBDAllg/قصيدة المطـلـقــه.RA.html
ياسامعين الصوت ردوا عليه
قبل الحزن يقتل أعز الأماني
يمكن تعدل حالتي بالشكيه
واللا يخفف جرحه اللي كواني
كوى عروق القلب مليون كيه
شفت المصايب يوم ربي بلاني
اللي حصلي باذكره للبريه
واذكر حبيبن ليه مدري رماني
ارسل طلاقي يوم سبت عشيه
من يومها ماعاد ينطق لساني
المشكله ماشاف مني خطيه
لكن قفى منوتي وجفاني
صحيح معه عشت عيشه هنيه
خمسة عشر عامن يومه خداني
عشرين مع عشرن وحنا سويه
أفرح ليا منه حبيبي دعاني
ماظن يومن شاف مني رديه
مكانه بقلبي ولا فيه ثاني
لاغاب عني صاب حالي أذيه
لامن زعل حسيت همن غشاني
اصبح جزاي البعد وابقى خليه
اشكي لكل الخلق شين وطاني
الحال من بعده بلاها بليه
دايم ترادى يالله المستعاني
عندي ثمان عيال وعندي بنيه
واصرف على ثلاثة من اخواني
فقيرة والحال صارت شقيه
حتى نصيبي من رداته عصاني
يالله ترده لي وأنا أقول حيه
يبقى ذرانا كان شان الزماني
صالح بن عبدالعزيز