واللة مالي رغبة (ن) بالسفر معك = ياخال لاتلزم علي المراحي

ماهو ردابك طيبات (ن) منابعك = بالمرجلة كذ قلدوك الوشاحي

وافي واطيع لمثل شرواك واسمعك = با لطيب وافي يابعيد المشاحي

زيزوم قوم ولاتغير طبايعك = على سلوم اهل الظفر والسلاحي

زحزيح قوم العبس الاحرار مرجعك = اهل الخيول المسرجة والرماحي

استاذنك ومع السلامة اودعك = لعل دربك يابوخالد سماحي

قدمت لك عذري عسى العذر يقنعك= الظرف كايد من جميع النواحي

سافر وترجع والكريم الولي معك= يحفظك ربي بالمساء والصباحي

لاتنحرج مني عن الدرب ممنعك=عن ديرة (ن) فيها القطا لة مداحي

سافر وانا على السفر من يشجعك=بس اتصل لاجيت هاك الضواحي