الحالة
السلام عليكم ورحمة الله وبركاتة ياهلا وغلا بالجميع ابي اعلمكم طبخه خاصة للرفلين والرفلات يعني حق الكسالى مثلي اشتر سمج هامور فليه كما بالصورة التالي .... اليوم طرى على بالي والجوع كاسر بعدين طال عمركم غسله وملحه وحط عليه ليمون وجيبلك بصلتين وطماطتين وبهارات بسيطه وملح وامسح على القطع من الهامور حطه بصينيه وتحتها قصدير وافرش الطماط والبصل نصه تحت السمج وحط باقيه فوقه 10 دقايق في فرن قوي حار تحط الخلطه وبعدين تقلب القطع مرة اخرى اقل من عشر دقايق ويطلع الصحن بهذا الشكل ياسلام حط الطرشي معاه وبعد اللي مايبي سمج نحط مرقة ريش خيلي خشنكي وبعد وياه خبز حار ايراني توك جايبة من الخباز وسلامتها ام حسن ههههههه وبعدين نقول الحمدالله الذي اطعمنا وسقانا وجعلنا من المسلمين ويارب لك الحمد والشكر