ليه ما تلصحون لكل الاعضاء وليمه= يوم الامام قبل الوقت وضاء وصلى
حكمة الراي فطره بالعقول الحكيمه= ما يليق الخنوع بنفس رجل ن تعلا
(كل سلعه لها بالسوق مقدارقيمه)= قالها عيد ابن مربح بحفلة معلا
النوايا السليمه بالقلوب السليمه= والنوايا الخبيثه سرج خيل الاذلا
اشكر اصحابي اللي مارضوا بالظليمه=وقفوا في نحرها يوم نفض الاجلا
هاوي ارياف نجد اليا قفا السيل ديمه= حرز قلب الذليل انشهد أي والله. ألا
ورأسي الراس زيزوم الجموع المقيمه=لا ستدار الرشاء واللاش قام وتولى
رافقوني على هجنن تذب الخريمه=والشتاء برد قارس والحطب عرق سلا
ماعرفهم لكان اشبال اسودن مريمه=من سلايل ربوع ن يلحقون المخلا
عبس ربعي رعد غيث القلوب ورزيمه= سحب موت العدا وعيون الاعدا تحلا
كان وضاح عذره فاقدن له بهيمه= ادورتها بمضارب عبس حلم الاخلا
ممكن انه حلم والحلم آمال اليمتيمه= كل ما اقبل ظلام الليل قام ايتسلا