اكيد ان جريتس شاهد مباراتين المنتخب بالملحق مع البحرين وتابع عن قرب تحركات لاعبين الهلال على الاخص لان الهلال تنتظره مباريات هامه ولازم يتابع كل لاعب بالهلال عشان يلعب اساسي الاحق بها
وشفنا كيف نجم المباراتين الي هو ياسر القحطاني كيف ظهر بافضل حله وتميز كبير واستحق انه يكون افضل لاعب من المنتخبين في كل المباراتين
ولو رجعنا للمباراتين لشفنا ان مركز ياسر كان صانع لعب في كثير من الهجمات والكرات بسبب خطه ابو المحاور بسيرو الي ما يرتاح الا باربع محاور ووده بالخامس بعد
كلنا شفنا ياسر نجم ومميز في صناعه اللعب
تمريراته اغلبها انت وضميرك او انها تسبب هجمه خطيره ودائما تمريراته تصنع كره خطره من لا شي
ولو رجعنا لمباريات الهلال شفنا ان جريتس اخترع علينا اختراع مدري وش يبي صراحه
وهو ان ياسر هو الي يبقى داخل منطقه الجزاء وعيسى المحياني هو الي يلعب على الجناح
والمصيبه انه دافع عن خطته هذي وقال انه بيستمر عليها واللاعبين بيفهمومها وهنا جالس يدافع عن شي خاسر وما راح ينجح
الي شاف ياسر مع المنتخب عرف انه مثل ما هو لاعب كبير داخل المنطقه ويشم الهدف فهو لاعب كبير خارج المنطقه ويصنع كور افضل من كل صناع اللعب
وعيسى المحياني كلنا يعرفه ان مهاجم صندوق يا جريتس
ما هو لاعب مجهوووووووود هو لاعب ينهي لك الهجمه داخل المنطقه لاعب ما عنده ما يتفلسف داخل المنطقه قدامه القول وينهي الهجمه
لكن اختراع جرتس الي مدري وش يبي صار المحياني هو صانع لعب او جناح ايمن وياسر هو الي داخل المنطقه وهالخطه عقيمه جدا وتخسر علينا لاعب مميز في مكان مميز ولاعب اخر في مكان غير مكانه
يجب على جريتس انه يبدل بين مراكز اللاعبين في اقرب مباراه بالدوري ويشوف انه كان على خطا في خطته القديمه
يا جرتيس فكنا من اختراعاتك الي مدري وش تبي صراحه وخلنا نشوف فريقنا وكل لاعب بمكانه الصحيح عشان كل لاعب يقدر يقدم كل الي عنده ويصير نجم
يوم المباراه شفنا مقال للمسمى عبدالعزيز الغيامه بالشرق الاوسط جالس يحلل المباراه مسوي فيها فاهم وهو بس يحاول انه يضحك على عقولنا بمقاله البائس
يقول غيامه افندي ان عبدالغني اللاعب العصري ويستغرب حضرته سبب المحاربه عليه بعد تقديمه اسوا مباراه واسوأ مستوى بمباراه البحرين الاولى
طبعا يقصد صحافه الهلال المخلصه للمنتخب وجريده الجزيره والكاتب الكبير عبدالكريم الجاسر الي طالبوا بتخليص المنتخب من المجاملات واول المجاملات وجود عبدالغني الي طوال مباراتين ما قدم اي كوره سليمه
ويقول بعد انه يستغرب ما فيه احد يشوف ياسر وهو كل شوي طايح ولاعب البحرين المجنس الاسود وهو يروح الملعب رايح جاي ولا يسقط ابدا
والغريب ان غيامه فندي يطالب بدعم المنتخب في نقطه عبدالغني ونقطه ياسر جالس يحارب المنتخب ويناقض كلامه الي فوق فما ادري هو جالس يكلم بزارين عنده ولا يحاول يستغفل الناس الي افهم منه وافهم من مليون مره
اجل طيحه ياسر
لاعب اخطا عليه لاعب من الخصم بخطا من الاخطاء العشره وسقط بسبب هذا الخطا وش تبيه يسوي يجي يشاورك يا غيامه افندي اسقط ولا لا
ولاعب ثاني اتفق الجميع انه لاعب عاله على المنتخب ومباراتي كامله ما قدم اي كوره تحسس الواحد انه يستاهل المنتخب
وشفنا كيف واصل ياسر تميزه ورد على كلامك الكاذب من اوله لاخره وشفنا كيف اخلاصه وقتاليته على الكره وصنع كره ميته وكل الي شاف المباراه كان يحسب انها ركله مرمى ولكن قتاليه ياسر واخلاصه وقوته وذكائه صنع هدف من كره اتحدى ا نكنت تتوقع انها قول يا غيامه
وشفنا لاعبك الفاشل الي تدافع عنه كيف كان شوارع وكل هجمات البحرين من جهته والهدف الاول من جهه الفاشل الي يعلب مجامله كما قالت بكل شجاعه صحافه الهلال هالكلام وانت مسوي فيها محلل زمانك
وش تبي من صحافه الهلال المخلصه انه تجامله وتقول يستاهل انه يلعب اساسي
واضح يا غيامه انك تحاول ترضي الاصفر بهالمقال الخايس البايت ولكن اقول لك ولا هميتني لا هميت نجوم الهلال وجماهيره بمقالك الفاشله يا فاشل انك مهما كتبت ما راح يرضى عليك النصراييين ما دمت هلالي وتنتمي لزعيم اسيا ونادي القرن
واكتب الي تكتب بس رجاء لا تستغفل الجماهير ولا تسغفل الناس وكانك تكلم بزارين بالابتدائي ولا بالمتوسط والي حتى بالثانوي
فلو جبت واحد صغير بثاني ابتدائي لجلس يضحك على مقالك الي متأكد ان طفل بثالث ابتدائي ناجح بماده الانشاء ونظره سته على سته وشاف المباريات ان يكتب احسن منك