ياخال انا بنصحك لله واقول= لوكان ماعمر الولد ينصح الخال
ابنصحك وفهم كلامي على طول=كلام مخلص لك وصادق الى قال
الظهر مثل القوس والجسم منحول= شايب وتلعب بك صغيرات الاجيال
اللي تحدث معك بلسان معسول= الصوت غره عبر ماقلت جوال
امس اكتشفتك وفهم العلم معقول= ارجع قبل لاتنكشف كل الاحوال
حافظ على السمعه ترى الهرج منقول= قدام لاتنحط يالطيب الفال
تراك من ناس(ن) عزيزين وزحول=عمرك كبير وتملك احفاد وعيال
عشرين عام (ن) عنكم الحب معزول=بينك وبينه حالت اسهول وجبال
لوكنت ماعرفك لاقول انت مهبول= تصرفاتك ماتجي لي على البال