بسم الله الرحمن الرحيم
وضاح اليمن
اشهدن الضغط عندي وصل فوق اميتين
مار رد سعود ساعة قريته نزله
اشهدن الطيب تنطقه ناس ٍ طيبين
وكل طيب ياصله عرق طيب من اهله
جيت من دار اليمن يم عبس الغانمين
ربعتن من طيبهم من ربا معهم دله
مقصدي نتبع خطا للجدود الاولين
اصلنا من عبس شوف المورخ وساله
قبل عام الف وثلاث مايه وربعين
كنت انا مع والدي وسط حره منزله
وصابنا من جور بقعا ماصاب المسلمين
اجدبت دار الاكارم وصارت ممحله
ورحت لديار اليمن وانتها الوضع الحزين
كثرت الخيرات بين الفواكه ونخله
مار قلبي يمكم فيه يالصاحب حنين
تكفا تكفا يابن عجوين وضاح اكفله
سعود العجوني
منهو الي رافعن ظغط وضـاح اللعيـن
منهو الي مزعله والله انـي لاازعلـه
مرحبا مية هلا فـي قـدوم النازحيـن
ربعنا الي باليمـن كاسبيـن المرجلـه
ماجهلنا في سجلك وانا عنـدي يقيـن
بالحروف الثابته والحـروف المهملـه
وسع الخاطر والاخلاق تكفـا لاتشيـن
الخطا واضح ياوضاح ماحدن يجهلـه
انت رجالن تعرف اليسار امن اليميـن
لك مقامن يرفعك عن علـوم المهزلـه
وسجل سعود الرشيدي من الي معجبين
في رجالن كل ماجـوب طيـب تكملـه
مير سلمني جوازك واختمـه بسنتيـن
كان مقصدك الكفاله مافيهـا مشكلـه
بس اقامتك القديمه علي ابـو نيتيـن
وصار لك في تالي الوقت سلطه منزله
عمك اذهن منك لاقن معك سمن وسمين
وان بغيت احولـك قـال لا لاتحولـه