اثرك يالزيدي ذهب مـدري بلاتيـن =بس الوكاد انك كثير القـدر غالـي
عليك من سلك الوفا مشلح وثوبين= نتنحاك لهل الطيب بقلوب الرجالي
ويفهق لك المركا علي ماقيل متريـن =والا تقلط عند ابو زيـد الهلالـي
تستاهل التقدير والنوماس عاميـن= والطيب والفنجال من صفر الدلالـي
واليا قظن يابو يمن عنك السنتين =يمكن نجدد لك بعـد قطعـة ليالـي
لانك ذهب يابو يمن مدري بلاتين =اقولها حولين لا جاها مجالـي

ياليماني مدحتك يالله ... عطني فلوسـي=قوم هالحين دنـدن هـن مابيلـك تفاهـم
لك نهارين تنصب فوق حمر الجموسي=والاسد كل يوم الصبـح للبنـك جاهـم
قلت لي بعد يومين برصيـدك تروسـي=وانقضا اليوم ثالث يوم مامن دراهـم
ماهو شغلي ليا عيت عليك العروسـي=اتفقنـا علـي بيتيـن مــدح ومعـاهـم
يضبطنـك بعيـن الزيـدي العيدروسـي=واتنومس بهن مع عبس لـو ماتخفاهـم
وش عليه مـن الزيديـه ام الضروسـي=كـان زقمـك وفـرت امهـا مـا اتراهـم
ابك هالحين يالزيـدي اتدنـدن فلوسـي=قبـل لاعلـم العمـده مـعـاك يتفـاهـم