عسى العلم يسقى جديـد الهماليـل=من مزنتن يجرح لماهـا شموخـه
ضلعن تنومس في شيوخ الرجاجيل=واخذ غلاه وعزتـه مـن شيوخـه
مرقاب تشفى بـه قلوبـن مغاليـل=ويبعد عن اللي واقبه كـل دوخـه
ماكر الحرن نادر الوصف والجيل=لاذ ابحماه وعاش وامـن فروخـه
ضلعن طويلن نايفن يتعـب الحيـل=ضلعن تقل يلبس من العز جوخـه
كم للهبايب فـي جنوبـه تهاويـل=عجزت تحرك هامته من رسوخـه
من خلقته شامـخ بعيـد المناويـل=ولاحدن سمع طول الليالي رضوخه
اشتقت له وانا صعيب المواصيـل=وشتقت الايام الهوى في شروخـه
عليـه دمعـي مالقالـه منـاديـل=وعليه قلبـي هـدم البعـد كوخـه
قلته ولي معنـى وللنـاس تحليـل=وكلـن مجاذيبـه تبيـن شموخـه