سمـعت لي كلمة مـدري وش أقصاها=حــزة بصدري وأناماني بهارجــهــا
لــوكــل كــلمه لـيـا جــتـنا طـردنــاها=بـــعنا الـثميـنه بسعـر مايـخارجـهــا
لــو مـرت السمــع مـاكــنا سمـعـناها=أنـقـفـل الـراس عنهـالايـبـرمـجـهـــا
ومــن يـم هـذا لـهــاذا مــانـقـــلــناها= والناس واجـد وتـلقى من يروجهـــا
ومـن جابهـا بـيـن خـلق الـله ووداها=لو به مراجـل ترى نفسه يسمـجهــا
ومن عامل الناس في سابق خطاياها=يقـعـد بـدار خـلا مــاداج دايـجــهــا
فـي كنـتن تـشوي الجربوع رمـضاها=تابس غصون الشجرمن حرواهجهـا
والناس بالحـق حكم الشيخ مارضاها=ماتـرضي الناس لـو أنك تحجـجهـــا
وياللي تـبي الطـيبه خـذها وعـطـناها=وخــل التطـريـه طـريـه لا تـثـلجهــا
وأرســـم لـنـفـــسك حـدودلاتـعـــداها=من حط نفسه بدرب الضيقيحرجهــا
وأن كـان نفسك هــواها قــام ينحـاها=حط الأعنه برؤوس الخيل واسرجهـا
وكــل بعـضده يـمـوح الـدلـوبــرشاها=وتـلقى كبود الظوامي من يبرهجهــا
وأن كــان تـوك على صدرك تهـجاها=حـنا تـرانـا نـدرس فـي مـناهـجـهـــا
مـن يــم مصباحهــا نـبـعـد مـعـشـاها= ليـاقـعـد راعـي الـظــالـع يـدرجــهــا‎
لــوهي صعيبه لـيـا أنعاجة عـدلـناها=والـلي تـجي مستـقـيمه مانـعروجهـا
نــهـتم فــي وزنــهــاوأبــرامــعـنـاها=ومن الـكرستال والـلـؤلـونـتـوجـهـــا
مــثــل الـجــواهرلـيـا منانــظــمـناها=وسلوكها من جـديد الزري ننسجهــا
مـخـأيـل تـرتــدم والـصـدرمـنـشـاها=وأن دك فـالـبـال داكــوك يـهـيـجـهـــا
وأن أمطرت ضاقت الوديان في ماها=تأخـذ ليا الحـول مانشت مـدارجهـــا
وأن صـدت الناس عناماعتر ضناها=ماتـقـفي الـناس عـنا ونــتـولـجـهــــا
وأن جـاتـنا الطـيـبه بالطيب زدنـاها=الطيـبه بالـعسـل والسـمن نمزجهــــا
وأن جـاتـنا الثانيه نـصبر وـنرفـاها=يـمـكـن ليـافـاق راعـيـهـا يـعـالجـهــا
وأن عــادهـا عـودة مــاعــادنـساها=من حربة في صميم الصـدر نولجهــا
مسـمـومــة يـبـلـش الـدكـتـوربدواها=مايقـنع الخبل ليـن أنـه يـلامـجـهــــا