عوايدك يا بويضان بالفـوز والنومـاس=ولا ترتضي لـك مركـزٍ غيـر بـالاوّل
نفاخر بفوزك ونتباهـى بوسـط النـاس= ونفخـر بزولـك بالمزايـن ليـا جـوّل
نشارك بما نملك من المـال والاحسـاس= ومع كل عبسـي فـي مواقيفـه مخـوّل
بويضان طيبك طيب راعيك صلب الساس=شجاعٍ عريب جـدود وعمـام ومخـوّل
طليق الحجاج الاشوس الزاهي الحساس=كريم اليميـن الساطـي الحـر لاحـوّل
فهد من فهود اهل البويضا صميدع راس=اخـذ للفخـر والعـز بالفعـل ماتسـوّل
ولد ناهس اللي بالملاقى غلـب جسـاس=يفوقه بفعـل وذكـر مـا هـرجٍ مقـوّل
فهد ياسنام المجـد يامعـادي الافـلاس=عدو الفقـر يمنـاه فـي مدهـا تهـوّل
عسى الله يمد بعمر من للعـلا عسـاس=ويجعلـه ذخـرٍ لاهـل الطـيـب والاوّل
اقوله بمن جاب المراجل بـدون اقيـاس=وهذي شهادة حق والحـق مـا يحـوّل