عني تغيب شلون؟ علمني شلون=وباقي العمر وشلون يحلى بلياك
حسيت مالي من بعد شوفك عيون=وحسيت مالي قلب ينبض بفرقاك
العمر باهت.. لا طعم له.. ولا لون=يومك خذيت أحلى لياليه وياك
منفاي صرت..وصرت أنا فيك مسكون=لا صار ماشفتك..خيال أتحراك
مرات.. أقول:أيام وأنساك وتهون=وأغمض عيوني .. وبعيوني ألقاك
هالقلب لو ماهو بالأضلاع مسجون=مبطي رحل يمك وقام يترجاك
أنا حفظتك ليه ترضى لي الهون=خليت روحي صيف وتحن لشتاك
مرمرتني .. وأنا بلياك مغبون=شي خفى هالناس ماأظن يخفاك
ياليت كل السالفة جرح وطعون=صدمات عمري كلها من فداياك
معقول هذا اللي يسمونه جنون=رميتني للحزن وأدور رضاك