بعض المشاعر شرحها يجرح الـروح = وأنا جرحت الروح من شان أعلمـك
الهم والأحزان والضيق والنـوح = أشيا لو إنه حولك أهلك تيتـّـمـك
وأنا حزينه كلها حزن وجـروح = وأرتاح يوم أسمع سوالفك من فمـك
أصبر على اللي صار لو كبدي تفـوح = وأذوق طعم المر وأسهر وأنادمـك
يا نفس لا تبوحين ما ينفع البـوح = ويا قلب لا تحزن لو الناس تظلمـك
يكفي عرفت إنسان صادق ومملـوح = على الثغر يا بسمة الحب يرسمـك
أفداك ولو تخطي خطاك أنت مدمـوح = وعسا عيوني يا عيوني ما تعدمـك
انت العلاج لقلب ضايق ومجـروح = أنسا الألم لا شفت ضحكات مبسمـك
بنيت لك في صدري ابراج وصـروح = تبطي النميمه والخيانه ما تهدمـك
بقولها وأكشف لك الشوق بوضـوح = وأشرح لك إحساس المحبه وأفهّـمك
اي والله أحبك اذا الحب مسمـوح = ولو ماهو بمسموح أحبك وأعلمـك
ما اقول روحي وأنت أغلا من الـروح = أبيع روحي وأشتري حرف من فمـك