سلام يأهل الوفاء عز الخوي والقصير= يامن وفاهم على الجدان ماهو جديد
اقولها واللسان يقولها من ضمير= وقول يستأهلون المدح بني رشيد
والمدح يستأهله جميع من فيه خير= ويقول فالطيبين المدح هل من مزيد
والمدح ماينتهي لو قلت فيه الكثير= ولانتم بحاجه لمدح مصخرين القصيد
لأكنك أسمع شهادة شاعر من مطير= أيقولها قدم ربعك يامحمد عبيد
أنك من أول رجال المدح منت الأخير= ونك رصيد الرفيق اللي ماعنده رصيد
ونك ملكت الرجال بطيب مهما يصير= وبنيت ساسه على صم الحجر والحديد
دايم يقودك لفعل الطيب سلك الحرير=طبيعةٍ فيك والله يفعل اللي يريد
جينا نهنيك ونبارك لخوك الصغير= ونقول مبروك يالله جعل عرسه سعيد

[ الشاعر / عوض بن زنيوط المشرافي المطيري ( مدفع مطير )