جف الكـلام ومـدت يدينهـا فـوق=أخترت هذي .. وأنت شف لك سحابه
قلت .. ويديني تحتضنها مثل طـوق=أخترت هذي هـذي أكثـر رحابـه
هذي دفا صوتٍ من البـرد مخنـوق=هذي سؤالٍ نصف عمـري جوابـه
هذي هي اللي عرّفتني على الشـوق=هذي قدر .. ماكنت حاسب حسابـه
قطعة حزن في جيب بالي ومشقـوق=ومضة فرح في عيون نـاسٍ غلابـه
أن سولفت في ثغرها لمعـة بـروق=وإن سرّحت في عيونها صمت غابه
واليا اضحكت نورٍ من الفجر مسروق=واليا بكـت تحـزن عليهـا الكآبـه
حبي لها لـوأدري ان فيـه مخلـوق=قدّ حبّ مثله .. قلـت : "ياللغرابـه"
هالآدمي من وين له قلـب وعـرو=قوالصبر هالمسكين من ويـن جابـه؟
وأنا أتكلّـم .. ردّت عيونهـا فـوق=ثم تمتمت : من هي هالأكثر رحابه؟؟
قلت ويديني تحتضنهـا مثـل طـوق=في ذمتي ماشفـت غيـرك سحابـه