ين أنت يا اللي لا تضايقت أبلقاه = على العهد وافي طبوع وسجيه
من عادته للهم والجرح يبراه = بعلومه اللي تشرح البال زيه
يبراه برى ولا يخليه يمحاه = من قلبي اللي شايل (ن) له قضيه
رجل مواقيف الرجالة تمناه = من عادته راعي خصال (ن) زكيه
طلق المحيا زين علمه ومبداه = حلو(ن) كما حلو الثمار الزهيه
يحس ما فيني ولو ما تشكاه = قبل القلم يفضح خفا الداخليه
يدري بضيقة خاطري من ملقاه = يقول لي وش فيك حالك رديه
ولا قلت له قلبي همومه تبلاواه = يقول أحس جروح قلبك نديه
ويشكي مشاكي جرح قلبي بمخفاه = يقول عد همومك اليوم فيه
اعن له عنت هل الكيف والجاه = اللي تحمس في لقاء الكابريه
واحن له وأشتاق له وأتمناه = ومن شوفته حتى الظماير رويه
حتى كلامه لا حكى لي تنقاه = حكيه ورود وزينت مزهريه
ميقافه العسرات لاجيت أبنخاه = دايم مواقيف الفخر فاخريه
ما نخاه في مياقف الا تولاه = المستحيل الصعب يصبح خويه
على الصعاب المتعبات المسماه = الكايدات النايدات الصـــريه
الليا طلبته شيء بالحال سواه = على الوفاء والطيب له مقدريه
والا الردى والعيب ما أظن يطاه = تعليم عود ن فطر الصايميه
عود(ن )عسى الجنة مقامه ومثواه = في جاه من له تسجد المودميه
"يابو مشاري"خاطري اليوم يصلاه = هم (ن) قديم ولوعة (ن) مرمريه
ويابو مشاري كل ما قلت ابنساه = يشد فكري له غناء الراعبيه
وياخوك مدري طيف والا حلاياه = مرت بفكري حزت المغربية
واهتز قلبي من شماله ويمناه = وقمت اتمنى شوفته لو شويه
الحلم جابه لي لكنه أخفاءه = ما ني بميت دام الاحلام حيه
شفته على حمراء من الهجن منقاه = أبي رسنها مير فاتت عليه
حمراء جفول من البكار المسماه = من ساسها "ريمان" ما هي رديه
ويسوقها من قصرت أحبال يمناه = لا مصلح (ن) حاله ولا هالمطيه
الناس مطلبها الحياء مير ماجاه = يبى يربع في شعيب الشويه
قصــرت شبوحه واقـــصـرالله هقواه = ردى ورداها وصارت عصيه
من عقب ماهي كل صعب (ن) تمهزاه = دنت مطالبها وصارت دنيه
عاينتها وبناب عضيت بشفاه = ودموع عيني فوق خدى سريه
ومن ما تشوف العين ويلاه ويلاه = شيء ن يزود بالمعاليق كيه
وفزيت من حلمي على خط (ن) اقرءاه = الحلم ضاع بغلطة الجاهليه

شعر – صالح بن سعود بن مصيبيح الفريدسي
أبو مهند