السلام عليكم ورحمة الله وبركاته
الصراحه اعجبتني هذه المحاوره وحبيت النسقها
هي اول محاوره ورايعه شعار مبدعين
يقول الملا
شاعر المحاورة يقلط
سلام يالموقع اللـي صاحبـك غيّـر ظنونـه
من عقب ماهو على هداج خـلاّ حلـو ماهـا
مدري وش اللي حدث وش صار ياللي تعرفونه
وألا تضايق من ديـاره عقـب مخـلا خلاهـا
راعي الحربه
يامرحبا بانيابه جعل متجيـك المهونـه
والعد مخلي جنابه ودلو قصب رشاهـا
ماحصل شئ ِيبى يثور جنونك مع جنونه
الا علوم الوفاء واناس من يدرك رضاها
الملا
فيك البقاء .ياعسى مالك يابو حربه مهونه
مير العرب ياوسيع العرف قلي وش بلاها
اليوم كل ٍ على نيه قعـد يدفـع ظعونـه
طاح الحيا والبدو تتعبك في كثرة حكاهـا
راعي الحربه
خلك ورا الحد الاقصى وترك اللي طاح دونه
يكثر من في يديه عوينتـه سبـب عماهـا
يالله عسى الظن معنا ياعربنـا تحسنونـه
ترى وجيه المعرفه معـك ماقلـت حياهـا
الملا
لو خان صاحبك مايلزم يابو حربه تخونـه
ولايلزمك بعض خلق الله تذرا في ذراهـا
مافيه شيء ٍ عقب فرقاء الجماعه تخسرونه
الأرض ضاقت بالاحيا والكواكب في سماها
راعي الحربه
بعض العرب ياوسيع المعرفه طاحت سنونه
والمشكله وسبايب كلبوهـا مـن جماهـا
قلي وش اللي ورا طرد المقفي تربحونـه
ايامنـا واليالـي فوقكـم دارت رحـاهـا
الملا
اثر الجراد المهاجر من جفاكـم تأكلونـه
ونفوسكم طاهره ياهيه ماشـا الله علاهـا
حنا نبا الرأس مثل الرؤس مايفارق متونه
كانك تبا الشوشره بين العرب يكثر لغاها
راعي الحربه
وانتم على ضروسكم ماتحصلونه تعلجونه
يالله عسى ماتطول ياعربنـا ياعساهـا
الراس ثابت مثل ضلع ِتذرا في ركونـه
وانته تدور لها واللـي يدورهـا لقاهـا
الملا
اضروسنا ماعلجت غير العلاج اللي تبونـه
عيب ٍ على واحد ٍ يهرج بهرجه ما حماهـا
الرأس مابقـي ألا اذنيـه والسبـه عيونـه
وحده تغمض والأخرى رمش حاجبها غطاها
راعي الحربه
اشتلت لك ياطويل العمر في مخباك بونه
وروحت من عرض ناس ِماتقديها خطاها
حبل الوصل بيننا ياصحبنـا لاتقطعونـه
وحنا جماعه وأهل والله لايفرق عصاها
الملا
أشتلت وعل الجبل واليوم نطّحني قرونه
والقاره أليا جفل دربا عليك اكبر حصاها
امن انت ياللي تبا الملاّ يزورك بالمعونه
اليوم من كثرها الملاّ يابو حربه كلاهـا
راعي الحربه
ياوعل يللي عرض زوله على اللي يذبحونه
لاتقرب النار يوم النـار ملتهـب ِسناهـا
الوسم واحد ترانا ناسـم اللـي تاسمونـه
لكن نفسك عليه ليه باحـت فـي خفاهـا
المحاوره على هذا الرابط
http://www.gazialbrak.com/vb/showthread.php?t=121