سلام ياشيخٍ تانصاك الاجناب =ياكاسبٍ الطولات منصى الرجالي
عقب الشيوخ اللي على مد وكتاب= تاريخهم معروف باول وتالي
أهل الفخر من عصر أبو زيد وذياب =تاريخٍ أبيض من قديم الليالي
فرسان أهل شلفاء واهل خيل وركاب =مرهين بالطولات في كل حالي
لاكلب الشارب على روس الانياب = يروون حد مصقلات السلالي
شيخان نمراً تودع الدم صباب = ترسي كما ترسي رواس الجبالي
ناصيك يافرز الوغا يابن سحاب = ناصر بعيد الذكر شرق وشمالي
للمال كسابٍ وللنار شباب= نارٍ عليها طقم صفر الدلالي
وحيلٍ تقلطها بلا عد وحساب =للاجنبي ولاالرفيق الموالي
ناصيك ياشيخ السلف نزه الاشناب =أشكي عليك الحال مما جرالي
فالقلب صايبني من الوقت مخلاب =كثر الديون وقل نقد الريالي
الله يعديك المصايب والاسباب = ابجاه من يعبد عزيز الجلالي
هذا وصلى الله على سيد الاحباب= أعداد مادن الرعد في الخيالي