اللي يدور في بلادي عذاريب
______ يبطي عظم ، يا ، حاجته مالقاها!
فالشعب حزات الوغى گاليعاسيب
______ تشوم ، تزمي ، تنتحر؛ في عداها
وحكامهم شبه المطر بالشخانيب
______ وجنودهم ، مثل الأسود ، بشراها
أُعلِن جهاد و هاهُمُ كالحواطيب
______ تقطع ، رؤوس المعتدين ، و مداها
بكفوفهم عمق الجروح المعاطيب
______ درع ، العقيدة ، محتمينٍ ، حماها
ستر العذارى السيدات الرعابيب
______ عَنْد البداوة و الحضر من نساها
من نسْيَهَا يالعار يا شقة الجيب
______ بلاش ؛ اعلّل ، من ، قراها ، قراها!
حكامها ذيبٍ و ذيبٍ حكم ذيب
______ حيث ، الذيابه ، وافيه ، من وفاها
واخوان نورة طيبين المشاريب
______ "خدام بيت الله" ، يعلو ، سـناها!
من يومنا وسط الحواري كتاتيب
______ حتى ارتفع في هالزمن مستواها
المملكة مصدر ؛ غدير المشـاريب!
______ ارض الحرم بالذات ما به سـواها
جنوبها لأقصى شماله حباحيب
______ و من غــربها لآخـر قـرايا حسـاها
وقبل العساكر "كلهم" والمعازيب
______ شعب السعودية ، يموت بـ ثراها
اهل المعالي والنقاء والمواجيب
______ اللي ، بهم ، كل ، القصائد ، تباها
صغيرهم وسط الميادين مايغيب
______ وكبيرهم ، بارض ، المعارك ، لظاها
لا جيتهم تستشرف العز والطيب
______ مثل النجوم الوامضة في سماها
باوصافهم ما يِجلي الشك والريب
______ وينعش جروح الحانيه ويغشاها
يحبهم من حَب روس المراقيب
______ ويكرههم اللي ، سكته في عماها
إذا بغيت العيب يامدور العيب
______ اكبر ، عيوبه ، شعبها و قْصَرَاها
حبٍ تبلور من سنين التجاريب
______ باهل المدن و احياءها ، مع قراها
(من برر التحريف سماه تصويب
______ والعين تظهر حقدها ، من غلاها)
واللي يدور في بلادي عذاريب
______ قلته قبل ، "بـ المبتدأ" ، مالقاها!
جريح الغربة أبوحنان الشمري