ماظنتي جاه البلاء من معاليه
أبداً ولا جاب المصائب سموّه
🔴⚫🔴
ودّك تعرفه: راقبه في مساريه
وتلقاه يلبس للـ مبادئ: مموّه
⚫🔴⚫
وابحث عن اللي بالضلالات مغويه
أكيد اهو شخصٍ قليل المروّة
🔴⚫🔴
لا قلت له يا هيه ياهيه ياهيه
يصد كنّه ما انخلق فيه خوّة
⚫🔴⚫
مثله لزوم إنك، والأفضل: تعريه
و تجيه بعلوم المباديء بقوّة
🔴⚫🔴
إن كان به عقلن رزينن يقدّيه
يعرف مهابيط الوطا من علوّه
⚫🔴⚫
اما ايسافر بين الاوهام والتيه
ويذوب كنه بعض الازوال خوّه
🔴⚫🔴
والا يقع بين الشقاء والمشاريه
لما اندمج وسط السراب وتتوّه
⚫🔴⚫
لا شاربٍ من نبع الإسلام صافيه
ولا انطفى بين المشاهير ضوّه
🔴⚫🔴
وياصاحبي لا عاد تكثر طواريه
توّه ما فا رقني مع الهم توّه
⚫🔴⚫
انصحك مثله لازم انك تعاديه
خله يذوق المر و آلآم جوّه
🔴⚫🔴
ومعالم الإرهاب قد بينت فيه
ضحية: الشيخ الخبيث المفوّه
⚫🔴⚫
حتى ولو تغليه لا عاد تغليه
وشلون تغلي من جماله تشوّه
🔴⚫🔴
وشلون تغلي من تنكر مباديه
ياللي تشم العود وسط الألوّة