ياعبس لوتزعلون اليوم مع بكره
علي لوتزعلون سنين ودنيني
لوانحرم منتداكم واشتكي هجره
ولو تفرضون العقوبه والقوانيني
بافعالكم بفتخر وابعلن الشهره
والله ﻻعلن غﻼكم يامغاليني
في مدحكم باتعزل دام لي قدره
-هوليه ﻻوالله اﻻ بعديمديني
لوالقلم بالكتابه شح في حبره
-لمﻼه من دم قلبي والشراييني
والقاف لو ماوزن والله لعسره
-لو هاجسي كل حضرت الشياطيني
اليا زهمت القريحه جات منتثره
تقول لعيون عبس الشعر يدعيني
ﻻخير في شاعرن مايخدمه شعره
-وﻻخير في فعل مادونه براهيني
شاعر ودرب المراجل رجلي تعبره
-مع ﻻبتي عبس ماريحت رجليني
لياانتخوبي لهم طوحت بالغتره
وسليت سيفي وصديت المعاديني
سوى سوى ﻻبغينا الدرب والمسره
والراي للي عليه الراي معطيني
نمشي على خطته ونطيع له امره
نسري ليامن غدى الليل ليليني
تاريخنا باقين بين العرب ذكره
نمشي على طبعناباقين للحيني
نوفي حقوق الرجال ونحفظ العشره
للضيف والجار نضحك بالحجاجيني
وان بان عيبه وطالعنا على غدره
نكحل له العين ونقص الجناحيني
واليوم كلن بامان وسكنن قصره
في ظل ابومتعب اخوان وقريبيني
الله يديم اﻻمان ويضفي بستره
ويخيب اللي يخون العهد والديني
واحفظ ملكنا يارب وطول بعمره
اللي لﻼسﻼم خادم والحرميني
ويرجع ولي العهد ويطيب من شره
حيثه تكفل بخيره للمعاقيني
طول غيابه وقام الشعب ينتظره
ترقب رجوعه من الشعب المﻼييني
ونايف وسلمان عين الشعب تعتبره
بالشرع تحكم واهل للعطف والليني
وعسى لعبدالعزيز العود في قبره
روض خضر فيه من وصف البساتيني
عساه جار النبي ويذوق من نهره
يلي سمعتوا دعايه قولواآ ميني
بالله وش رائكم ياعبس بالفكره
تقبلوا ماكتبته بالدواويني