قصيدة الشاعر عيد عوض الرويضي بالشيخ احمد ابن حماد ابن عريجه امير قرية الشعيلاء والشاعر سعدون عبيدالله الرويضي.


ياموتري حط الغميق وتخاييل=وحزمن مربية الدبش ينزلونه
على اليمين ومر وضحن مباهيل=حليبهن ضد التعب والصخونه
عليهن الكفه بليا درابيل=يشوفها من سنعنه عيونه
بين الحزوم وسايلات المساييل=نلقى فحلهن لونهن مثل لونه
عليه طول معمردات الغراميل=امن الشحم دوبه يحرك امتونه.
تعاقب جررها عليه المخاييل=نوبن وراه ونوب عنده ودونه
راعيه ابو عادل رفيع المنازيل=ابن صليهم عون راع المعونه.
كلمة هلا يالله تحيي المقابيل=عنده عليها بقدرة الله مرونه.
نبيلنا عنده على مثل ماقيل=جلسه ابجون هادياتن سكونه.
وليا سمرنا وطاب جو التعاليل=قلنا مشينا ولا لعينك مهونه.
لامدوجين ولانتصيد كراويل=متوجهين لمجلسن يمدحونه.
في بيت شيخن شيخته ماهي تظليل=اميرنا والناس مايجهلونه.
احمد وديوانه يلم المشاكيل=من كل صوب اليا دعاهم يجونه.
ديوان فيه الهيل وسط الفناجيل=يدور مادار العويدي بدونه.
والمدخنه فيها دخون الرجاجيل=يعوم لين الجمر ويحرقونه.
والضيف يلقى امن الهرفا اليا الحيل=من فوق زادن ماتشيله صحونه.
عنده وعند امتعبين المعاميل=في كل بيت ومجلسن يدهلونه.
حيث الكرم والطيب من دون تفصيل=ظلعن طويل ولا تحرك اركونه
من سابق الدنيا ومن سابق الجيل=صعب وكسالا الناس مايقدرونه.
يبا الفحول مروعين الطرابيل=هجومهم على الرداء يعلنونه
قصدي فحول اشوار راي والحلاحيل=ماهي فحول حطو الي تبونه