سلام للي من ضماي أشتكيله
مخلوق مامثله من الناس مخلوق
المحزم اللي كل همٍ يشيله
بعد الله مفرج على الناس من فوق
سلام لك يامفكك المستحيله
إعداد مايبست حناجير وحلوق
يامحمد أشكي من يدينٍ بخيله
تخبر ولد عمك لما ساقها سوق
تكرم لك العايب بنفسٍ نبيله
والباب يم الذيب ردوه مغلوق
ماني مكثرها ولاهي قليله
عذروبها يامحمد الرآس مصفوق
عطني الحلول وشاف نفسٍ عليله
أنت الوحيد اللي بعد جبت لي عوق