معذور انا في وصفها مالها شبيــــــه*** ويزين شعر الشاعر اليا وصفهــا
حوريت(ن) من جنة الله في اراضيه *** جنه وتمشي فـوق ارضـه وحـدهــا
لـــو شـافها شــاعر زمانــه بيرثـــيـه *** يــرثـي قصيدٍ معـتـز انــه كـتـبــها
ولــو شافها الـرسام بيصــيبه الــتيـه ***ويـكره رسـوم(ن )في زمانه رسمها
يضــيع ريــح العطــر لاشـم يـديـــه *** ويــذوب سـلسال الذهب في نـحرهـا
وكان العرق لآصب من فوق نهديه *** ورده ومـيـل فـــوق ريـشــه ندإهــا
احسد لـثام(ن) لفـته حـول اشـافـيه *** واحسد ظـلال(ن) قام يتـبع جـسدهـا
اليـا مشت مابنـت تجـرى تمـاشيـه *** يــبـان نقــص الـبـنـت لا رافـقـتــهــا
فـي مشـيهـا والغنـّج قوس خطاويه *** وردفـن يداعّـب بالخطـاوي شعرهـا
يهيم صـوت الـليل لاقـالــته هــيــه *** وكــل المسـامـع هــايـمه فـي لحــنها
تفضح عيونه عـين تحلم تحاكيـــه *** قلوب البشر ريموت في وسـط يدهـا
حتى الضبى لا شافته قالـت إخـيه *** مــتمـنيـه مــابنــــت ربــي خــلقــهــا
متحجـبـه متــبرجه دون تـنـبـيـــه *** يفضح حمّـإر الفــم مــن نــور خـدهـا
متغطرسه هي هايمه عيونها التيه *** يــاســعْـد منـهــو شالـته في نـظرهـــا
من قبل إشوفه حالمن كنت انافـيه *** حلـم وتحــقـق وانتهـــى فـي وعــدهــا