مدام شهر الخير قرب مجيه***وقلوبنا صارت لحله تحني
حبيت أوجه للنشاما تحيه***من قلب صافي والمشاعر تغني
من يغتنم شهر العبادة هنيه***هني عينه يوم كلن يجني
ويا ويل من زادت ذنوبه بغيه***يلعب على فرير والحكم صني
ياويله من العاقبه والمطيه***مغير يلحق مثل جوال رني
يتوب ويسعد من نفوسن شقيه***بالغيبه وكل المحارم يسني
رافق نفوسن طاهراتن نقيه***تلقا حساناتك معاها تبني
حاول تزاعل كل ذنب وخطيه***حاول ترا ترتاح من دون ظني
ذنبك على جنبك وعمرك هديه***باكر تموت وفي خفوقك تمني
تشهق وتلهث لو بقا لك بقيه***ترجع على الدنيا وتسجد تعني
هاذي رساله للقلوب اللهيه***فيها مضامينن كثيرة بطني