مع السلامه
مع السلامه ياخميس المطاليع=خلاص مافكّر بطلعت نهارك
حلّت بدا لك سبت مابه مشاريع=عطله لكل الناس كلٍ يبارك
صار الأحد اول أيام الأسابيع=الله وأكبر يازمان المعارك
دنياً تقلّب بالفرح والمواجيع=حظن سعيد وحظ مايقوم بارك
ولَّد بها أيام وليالي مضاريع=سلك الخطر للنّاس بالفيش شارك
من يقربه يقرب من الموت ويضيع=كم يوم زرت الموت كم يوم زارك
واعود للي قلت حبِ وتوديع=مودعٍ يوم الخميس المبارك
مع السلامه ياخميس المطاليع=خلاص مافكّر بطلعت نهارك
******** type="text/**********">doPoem(0)***********
خوكم في الله /عبيد الله دعيع القلادي( وكل عام وأنتم بالف خير)