يحق لك عاشرت غيري وسلاك
يا والله اللي بي نويت القطيعه
بايع ضميره بالهوى مثل شرواك
يامرخص الغالين واجب نبيعه
ماعاد أبي حتى مع الناس طرياك
نفسي على اللي مثلك أنته رفيعه
العام لو أخطيت ندمح خطاياك
وأسامحك يا بوالعيون الوسيعه
أول تونسني مع الناس ذكراك
واليوم من جاب الحكي بك نطيعه
أشفيت بي وشفيت شفة شفاياك
أثرك بمن حبك نويت الخديعه
وشلون أعذرك وأنت هذي سواياك
تجرح ولا تشفي القلوب الوديعه