سلام لرجالٍ تقر الها الرجال الطيبين=اللي لهم في داخلي قدر ومعزه ثابته
ربعي مقابيس الوغا في كل دار وكل حين=هم عزوتي هم لابتي ياحي من هم لابته
في حفلة اللي ينذكر علمه على مر السنين=((جهز ولد فايد))زبون الطايله والكابته
شيخٍ لصيته تخضع الاقلام وتجيب الثمين=لانه حفيد اللي لبس طيبه بدال اعصابته
بالمعرفه وصفه مثل نجمٍ يدل التايهين=وتشر عليه اصابعٍ حتى البحر ماهابته
وشفت القصايد تفتخر بالصيرمي ذرب اليمين=وتشوش بسمه قبل شاعرها وقبل أكتابته
ولاهو أقصورٍ بالرجال اللي لهم جنبٍ متين=اللي فعايلهم سهومٍ كل فعلٍ صابته
لكن انا لمدح ابوفيصل مهتوي يالسامعين=وذنب القصايد تآصله وتبطي وهي ماتابته
لانه علم في قمة الطيب وعياله سايرين=على مسيره والمراجل في وطنهم نابته
وآخر مااقوله واسمعو قولو معي ((يارب آمين))=ترحم عظامٍ جابته ترحم عظامٍ جابته
وهاذي تحياتي وانا لاقلتها يالحاضرين=ماارجي وراها مدتٍ مير الحقايق ثابته