شفتة بعد غيبة طويلة وصديت= أخاف بعيوني يشاهد صوابة
كيف أسألة ؟؟ وأقول وشفيك قفيت= كيف أسألة ؟؟ وأعرف سبايب غيابة
كيف أسألة؟؟ وأقول هانت تخليت= كيف أسألة ؟؟ والقى لجرحي إجابة
ماغيرة اللي في غرامة تبليت= ولاغيرة اللي يطرب إذني عتابة
للحين من جرحة وانا ماتشافيت= وفي كل يوم الجرح يكبر عذابة
هو مادرى أني لاجل مايضيع ضحيت= ولأجل أكسبة خسرت بعض القرابة
ليتة يعرف إني ((بفرقاه )) عانيت= وإن (( الليالي )) في غيابة تشابة
هموم وأحزان.. ودموع وتناهيت= وفراق أقشر ماحسبنا حسابة
عامين في نومي وأنا ماتهنيت= أصارع أمواج الألم والكآبة
ياليتني مع شارعة ماتعديت= ولاشفتة بعيني ولا الحظ جابة
ولاعادها الله جيتي يوم مريت= ولاعادها الله وقفتي عند بابة