الف مبروكـ للعريس جاسم
وهذه القصيده ترحيبيه بالحضور للشاعر الشاب عبدالعزيز بن محمد بن فريح البراك


يامرحبا في حفلنا بكل الاخوان تحيةً بشيوخ شمل القبيله
تحية ً بالطيب مع عود ريحان بقدوم ربعي كاسبين الجزيله
اهلا هلا عداد ماهلٌ ودان من اول الوسم سقاء نجد سيله
في حفلة ابن فريح والبال طربان وزاد الفرح حضور شيخ القبيله
ابو طلال الي سلايل كحيلان يمناهـ بالمدات ماهي بخيله
ودليم ابو علوش للطيب عنوان سلايل ابو دليم مزبن دخيله
وحييت يامتعب الي ذكركم بان ابوكـ مطني شيخ شمل القبيله
ويزيدنا عز وشرف ياهل ابان بحضوركم ياعيال عبس الاصيله
وختامها صلو على نسل عدنان نبينا الي جاء بخير وفضيله