عبدالله الداموك الرشيدي
شاعر من فطاحلة الشعر المعاصرين
شاء الله انه زارني في منــزلي بالرياض
وقد اتحف الحضور بطرائفه العذبه
ومن بين تلك الطرائف قصيدته الغزليه
التي يصف بها رمش معشوقته في قوله
والرمش كنه من طوابير شمر=لاصفّها عبد العزيز الجنازه
لاطقوا اللطمه على ظهور ظمر=قدامهم عدو يطلب نجازه
******** type="text/**********">doPoem(0)***********
كان لذلك الوصف ابلغ الاثر في النفس
وعندما عاد الى مقر اقامته حفر الباطن
ارسلت له رسالة جوال بابيات تعبيرا عن المشاعر
الا انني تنحيت بها عن قافيته
عبد الله الداموك شعري لياجاك=اقره شرف لي منك ربي يشرفك
انا اتشرف باللي مثلك وشرواك=وإلا ادري ان الشعر ماهو مكلفك
انا يابو ممدوح اشكرك واجزاك=عن بيت شعرٍ مرني في طرايفك
يومك توصّف رمش منهو تحداك= اللي على غالي حياتك مناصفك
لله0 درّك و درّ0 وصفك ومبداك=لك منهجٍ ماغيرنه عواطفك
ولعل قولي بك يوصلني ارضاك=وإلا لعله لو بعض شيء ينصفك
شكراً يقابل لك0 و شكراً يتقفّاك=و شكراً فراشٍ لك0 وشكراً يلحفك
******** type="text/**********">doPoem(0)***********
سطم فهد الخليل
وكان هذا الرد
يامرحبا عداد ماسارت خطاك=وعداد ماللعز نادوا عوارفك
يابو فهد هاض الفكر زين معناك=سمعت عنك وقبل ماجيك عارفك
شعرك جزيل وسبك معناك ينحاك=على شوارد طيب الشعر يحرفك
قلبك لبيب ويامر الفكر ينهاك=غير الذهب ماتصرفه في مصارفك
النعم ثوبك كل ماحل طرياك=والعز والناموس تبري مواقفك
يالضيغمي النور في الليل مسراك=هجت المحيط الأطلسي في عواصفك
شموخ نفسك للعلا دوم يقداك=على ذلول المرجله لك مرادفك
واختامها عداد ماسارت خطاك=تحية التقدير تشمل عوارفك
******** type="text/**********">doPoem(0)***********
عبد الله الداموك الرشيدي
:
منقول بقلم سطم فهد الخليل الشمري