طاروق حدث بين طارق بن نايف الرشيدي والشاعر الكبير ذيب الشمري انقله لكم واتمنى ان يحوز على رضاكم
طارق بن نايف
سلام ردية وفا جتكم ولافيها عيوب = الطيب في مضمونها يوم الوفا قدامها
ياذيب لامن ضاق صدرك مايضيقن الدروب = دام الدروب وساع والدنيا تسير ايامها
******** type="text/**********">doPoem(0)***********
ذيب الشمري
يامرحبا ترحيب مثل النفل من بعد الوجوب = من هاجس ن مايجرح العربان يوم صيامها
احكامنا تاصلك في لون مثل لون الغروب = بني رشيد اصحابنا وشلون لون احكامها
******** type="text/**********">doPoem(0)***********
طارق بن نايف
دام البقا ياللي تشوف البرق في عرض النصوب = ماهمه قلوب البشر لو ينفجر صمامها
وانته ليا عممتها منته عن النور محجوب = جميع منظومه تعبر عن عقل نظامها
******** type="text/**********">doPoem(0)***********
ذيب الشمري
ترى العيون تعلم العاقل عن اللي بالقلوب =حنا لنا خبره طويله نحسن استخدامها
تباشرو بالامن كان الامن مطلب للشعوب = والحرب تلحقها خساير ماتعد ارقامها
طارق بن نايف
ياذيب عن بعض المعاصي جايز انك ماتتوب = واهل النظر تعرف صدوق الناس من ظلامها
ياللي تحسب احسابها والناس غالب ومغلوب = انا اعرفك لاشانت الاخلاق ترفع جامها
******** type="text/**********">doPoem(0)***********
ذيب الشمري
لويحذفون الجمر بالقطب الشمالي مايذوب = واصحابنا قامت تشيل احجام فوق احجامها
بيديني اكبر مشكله ترقع كمارقع التيوب = اسرج الحكمه واشد اعنانها والجامها
******** type="text/**********">doPoem(0)***********
طارق بن نايف
يالشمري ياللي تخض الماء تحسبنه يروب = وشلون تبخص للعرب ولاتعرف اقسامها
الحق ماينشاف في عين المنافق والكذوب = واهل العمايم من عمايمها عذاب اجسامها
******** type="text/**********">doPoem(0)***********
ذيب الشمري
الجو هادي لاتلفت لاشمال ولاجنوب = الارض حنا عن طريقك زايلين الغامها
مابيننا عد الحساني خير من عد الذنوب = واصحابنا نصلح فساد اعلامنا واعلامها
******** type="text/**********">doPoem(0)***********