يقولون العرب صـــــــــدر الشمالي .. مايضيق بساع
وانا اقول الصدور اليوم .. ماعادت شمــــــاليه
بدت في داخلي ضيقه عجزت القالها مطــــــــــــلاع
تغيب . وترجع .. وترجع تغيب ... ومالــــها نيه
عمتني كلمة ٍ جتني . وضقت .. وضاق صـــــدر القاع
الا يالله لاتجزى غشيم ٍ .. قالــــــها فيــــــّــه
لهو صفاع .. ياربي .. ولاهو للعرب نفـــــــــــاع
بلاني وابتلى حاله ... وبعض الناس مــــبليــه
نهيته قبل هالمره .. يخلي سيرتي .. مـــــاطاع
الا يالعنبو جــــــــــد القصيد .. ولعــنـبــو بــيــه
ضعيف النفس ( نسونجي ) يشوف بعينه الاطــــباع
يحسبني مثل ربــعه .... يسوق بضاعته لـــيه
انا اشري .. لابغيت اشري .. ولاني مساوم البياع
الى من قاللي ميـــــــــه .. عطيته فوقها ميه
انا اكتب .. لجل من يقرا .. ولاارجي من يقول ابداع
وابد لاتحسبن مثلك يشكلي أهمـــــــــــــــــيه
ترى ياهيه .. لامني نويتك .. بس اطــــق اصـباع
يجيني الف شيطان ... ووراهم الف جنــــــــيــه
أجرك من طرف حرفك .. وارد الصــــــــاع مية صاع
جنون القاف ... ارقصها . على راسك . هجائيه
يويلك لو توليتك .. وربي .. مالك الشـــــــفاع
يجيك من القصيد .. احسب .... 300 ،،، 300
ولكن .. خلك بحالك .. مادام ان الصدور وســـاع
ترى للحـــــــين ماضاقت وللساعه .. شمـــاليه
للشاعر / خلف المشعان