راكب اللي صوتها صوت مضلمة الغيوم = قبل ترخي وبلها والهبـوب تسوقهـا
لحضة الاقلاع تقعد وتمنع ماتقـوم = وتربـط احـزام السلامـه مدامـك فوقهـا
تلها اللي مايعـرف العوايـد والسلـوم= لكـن انـه والله انـه يعـرف يسوقهـا
يوم دار ابها ورزة نحرها لنجوم=مزنـة(ن) هلـت بردهـا تنـوض ابروقهـا
كان ربي فكها مـن عطيبـات السهـوم = مايوفـي كـل وافـي بـرد احقوقهـا
وكان صار اعلوم في رحلة الشيخ العزوم= وين انا وين انت والبحث عن صندوقها
عن بلاد(ن)شعبهـا بالحلايـا والهـدوم= ماتميـز شكـل (دنيال)مـن معشوقهـا
يااله الكون لطفك وعطفك يارحوم= عن خطـا اللـي بالسنتهـا وبلـع حلوقهـا
يابلادي والله انك على كـل العمـوم=نجمة(ن)فـوق البسيطـه يشـع اشروقهـا
يابلاد اهل المواجيب حاكم ومحكوم= اكرمك ربي عن اللـي رخيص(ن)سوقهـا
قبلة الاسلام مهبط وحي قبر امعصـوم =افضـل التنزيـل دستورهـا منطوقهـا
شجرة(ن)توتي ثمرها لنا في كل يـوم =اصلهـا ثابـت وفوق السحاب عذوقهـا
نستضل بضلها عن جليد وعن سموم=مانهاب البـرد والشمـس هـي وحروقهـا
كل مارمنـا بهـا روم فاقـة مانـروم =تعتبرنـا اللـي تساقـا عليـه عروقهـا
مركبتنا اللي بها نركـب البحـر ونعـوم =النعيـم بسطحهـا والسلامـه طوقهـا
في قيادة شيخنا اللي عسى راسه يدوم= مانخاف من العواصـف وهـو يسوقهـا
شيخنا اللي نعرفه بالدفاع والبهجوم= قمة(ن) تصعب على اهل اللحـي الحوقهـا
الزعيم العاقل الوافي الشهم الجزوم =لاوطت رجلـه بـدار(ن) نبـت زملوقهـا
كل شعبه في رغد عيش مافيه محروم=مايفضـل زيـد وعبيـد عـن مرزوقهـا
يابو متعب لك تحيات شاعر لك خـدوم =شاعر(ن)لايمكـن ان العهـود ايبوقهـا