أقول في نفسي وأنا أعايد الناس=متى بشوفك تكمل أفراح عيدي
أجامل وربي عليم ٍ بالإحساس=وشهو شعوري وأنت عني بعيدي
اللي خذاني لك على سهو هوجاس=حسيت نفسي وسط ربعي وحيدي
لو حسوا بما بي يقولون لاباس=بدال قولة على عيدك سعيدي
لاصرت عندي وقتي أعياد وأعراس=حتى ولو إني وسط سجنٍ حديدي
عاشرت خلان وتخالطت بأجناس=محدٍ سواك أهديته القلب بيدي
من تحت ما طا الرجل لي هامت الراس=كلش هويته فيك والله شهيدي
لقيت بك ذوقي وأنا قاطع الياس=ومعك بدا يحيا الأمل من جديدي
******** type="text/**********">doPoem(0)***********