ياضابط الكيف جا للكيف شرابه = من هيض فكره تعاين بدعة سلوبه

يحكي عن الغايب اللي سبب غيابه = جملة قصص بالدلايل جات مصحوبه

ويوم الجريمي سمعنا ماحوى خطابه = قلنا السوالف بعضها جات مكذوبه

لوينطق بهرج في معناه يبلابه = والغلطه اللي بوجه الناس محسوبه

والفارس اللي قضب للسيف بنصابه = مايجهل المعركه نوبه ورا نوبه

اثر البشر يحلمون احلام كذابه = في ليلة ن عن جميع الخلق محجوبه

وياموكل ن للمحامي سدد اتعابه = لاتصير علة نحر وتضيع دروبه

عزالله انك كريم وكاسب اعجابه = لولاغلاتك ماجانا يمسح جنوبه

وخل الاسد في زئيره يرهب الغابه = يوم الحصاني تخاف ولاتجي صوبه

والغالي اللي يسر الروح بعتابه = يبنى له المجد طوبه فوقها طوبه

والله لوسج وسط البيد بركابه = لاتبع طريقه يالين يشوف ماجوبه

يوم الغضب يبعد الخير عن اقرابه = انا رسالة غلا بالخير مكتوبه