بيوت القصيده دائم(ن)تطرب اللاعوب=اليامن حبكها اللي يهيضك بسلوبه
ليامن تشوق ثم لاجة بصدره نوب=هجوسه يجيب المفرده تقل رعبوبه
وانا اسمع يقال العبد كله خطا وذنوب=وهذا صح لكن خالقه يغفر اذنوبه
وانا اعلم بان العبد ماله عن المكتوب=مياخذ بهالدنيا حشى غير مكتوبه
لكن يارفيقي لاتقرب لراع اعيوب=ترى وده انه يشمل الناس بعيوبه
وعن اللي يجيب بهرجته شذبة العرقوب= عنه يارفيقي خل الاسرار محجوبه
وعن اللي بوقت الواجبه يسهج الماجوب= ترى الواجب انك ماتكلف بماجوبه
وعن اللي حياته كل يوم وهو في صوب=تجي ساعة(ن)صوبك مايمشي على صوبه
وترى العفن مايرتاح للي يسد النوب=لانه عفن مقام بالنوب
لو نوبه
وياقالوا هل الصدات كل الديار ادروب=قل اعوذ بالخالق من ابليس وادروبه
ويازين السعه لو مابمخباك قيمة ثوب=عن اللي علومه دائم(ن) معك مقلوبه