السلام عليكم ورحمة الله وبركاته
يابنت والله ماحسبنا لك حساب
ماني موافقلك على ما تبينه
انا ادري ان الشوق فاضح وغلاب
لاشك أبصبر والكرامه ثمينه
لون جرح القلب يابنت ماطاب
والله مهين القلب والله مهينه
أماتجي كلك بلا شرط واسباب
ولأ توكل والمواجع دفينه
ياما تجرعنا المصايب والأتعاب
وياما كتمنا من القهر والغبينه
لابد ماننساء وترتاح الأعصاب
ولابد ماتسلأ القلوب الحزينه
اخوكم = متعب الشعباني