بوصالح أنا راعيه العبيه كيف حالك عساك بخير
أهديك هذه الأبيات الجميله التي قالها الشاعر العم جازي البغيلي حفظه الله وأمد فى عمره على الطاعه قبل 40 عام ولاداعي لشرحها لأن الأبيات تشرح نفسها ويفهم معناها كل عربي ينطق بالعربيه ولم تقال بتاريخ جديد على قولتك
الى ماله أول ماله تالي ياراع الجديد ومع تمنياتي لك بالحصل على كم كبير من مثل هذه الورقات التي لاتسمن ولاتغني من جوع وإليك هذه الأبيات المعبره التي كتبت بتاريخ قديم عام1963م واتمني من الشاعر الفاضل والأخ القدير غازي البراك أن تحوز على رضاه لأنها بالفعل أبيات جزله وذات معاني واضحه تتحدث عن عبق الماضي الحافل بالفخر والمجد والنسب الرفيع....
قال من له بالمثل قـول ٍ طريـف =من نوى طول السفر شد الحـزام
القلـم للقلـب محبـوبٍ ولـيـف =يحفظ التاريـخ ويحفظـه النظـام
منبعى مكـه وطيبـه والعطيـف =مولد المبعـوث والبيـت الحـرام
منبعـا ً للنـور والديـن الحنيـف =مهبطن ً للوحى وآيـات ٍ عظـام
و جدى المرحوم ابن عون الشريف=وديننا الاسلام من قبل ألف عـام
ورسمنا بأرض ٍ شمال ٍ من عفيف =مدهـل ٍ للريـم وزروف النعـام
فى عثاعث حبر مرباع ومصيـف =والجريـر وماتحـدر مـن جهـام
ورسمنا بالسر حول ابـن شنيـف =عين راشد ماتبـى صحـة كـلام
ونقصنا ما بين هيف ٍ وبين سيـف =من حرايب نجـد وألـد الخصـام
ونحمى المظهور بالحـد الرهيـف=وجارنـا مـدام معنـا مايـضـام
ونشرب الماء جم وألا من غريف =نشرب الماء من سعه وألا زحـام
وننجع البارق الى جالـه رفيـف =وترعت القرعه لنـا فيهـا مقـام
واستقرينا علـى بـر ٍ و سيـف =من شرا حمّـا الـى وادى سنـام
بديرة ٍ ضمت من الشتـى لفيـف =وعايشين ٍ بأمن ٍ وأمان ٍ وسـلام
قلب واليها علـى قومـه نظيـف =ويحترم قومه وحاضـي باحتـرام
من تلال الذيـب للرجـم المنيـف =حلـة مبـارك عليهـا بالتـمـام
والجهل والظلم مسلـك للكسيـف =وردن تباعهـن بحـر الـظـلام
وتجرى الايام فى حكـم اللطيـف =عالـم ٍ بالغيـب عينـه ماتـنـام
والبقـاء لله وابـن آدم ضعيـف =والبـشـر تفـنـى ولله الــدوام
واستعن في واحد ٍ مالـه وصيـف =والصلاة على النبى مسك الختـام
******** type="text/**********">doPoem(0)***********
</b></i>