على الوطن وهل الوطن يبست الريق.......يبست على نجد العذيه وهلها
ان كان به شفقان حناء مشافيق......والنفس عن ماتريد محدآ عذلها
وقالو تطيق وقلت وشلون انا اطيق.....بعد الاهل والدار محدن حملها
في قربهم راحه وفي بعدهم ضيق..... ومرت ضروف الوقت محدن جهلها
للملكه حبآ وعهد ومواثيق......نموت فيها ماندور بدلها
شوف الرياض وشوف رمان وطويق....اخير عندي من جاكرتاء وهلها
اخير من حمر الجبال الشواهيق.....عجزت اميز عسرها من سهلها
ربيع قلبي شوف حمر الصعافيق....وشوف القصيم وحيها الي نزلها
يزين مرباعن بذيك المفاهيق.......ليتعانق ربلها مع نفلها
والطير غرد فوق حمر الزماليق....والمزنه الغراء تنثر هللها
الشاعر :ذويب الخياري