البارحه كِني على الرجم عدّيت=امعذب ٍ رجلي حفا الحيد واشواك
في صحصح ٍ كل الرضم به زناتيت=ما يِنبت النوّار أو عود الارَّاك
كتبت لك من مقند الفكر لي بيت=ودِّي أقول إشقد انا حيل بهوآك
غيرك..أبد ماغيرك أحببت واغليت=تبي الصراحة..يستحيل إني أنساك
يا قلب وينك وين صيّفت واشْتِيت=كل الفصول الأربعة مالها إدراك
ولايمكن إنك تمتلك ما تمنيت=إلاَّ إذا إنك خبيث ٍ و أفاك
لن الغلا ما به للاحباب تشتيت=حيثه دواء شيٍّ تمطرخ بحلياك
(الحب) ماهو لعبت ٍ للكتاكيت=(الحب) مثل الشهد يسريك برضاك
لابه طعم علقم ولا مر حلتيت=أحلى من السكّر إذا ذاب بشفاك
كم ليلة ٍ كنت آتحراك بالبيت=حتى يحول مواعدك دون لقياك
وين انت ياعمر ٍ قضينآه تشتيت=ردي علي يا قلبي القلب ناداك
ردي علي لا يا بعد حي والميت=ردّي على منهو تنثّر بطرياك
وآشيب عيني كل ماقبلت واقفيت=وعزي لحالي كلّما شفت عيناك
انت انت بس اللي لقربه تمنيت=بد البشر كله أنا همي رضاك