حل الظلام وجيـت يالليـل الاحـزان=حامل معك ذكـرى وليف(ن)ذكرتـه
تاتيني بطيفه علـى اشكـال والـوان=تقبل بهـن والهـم وحـدي حملتـه
هم الفراق وبعـده وجـور الازمـان=اسيرهـن واهملـت ملك(ن)ملكتـه
اسري مع الهاجوس في بعض الاحيان=واحسب خياله واقعـي لـو لمستـه
اذكر ويذكر مامضى وكـان ماكـان=وترجع بي الذكـرى علـى مافعلتـه
يامخطي ياصايب ولـو قلـت ندمـان=او مخطي وصايب عسـى ماجرحتـه
او جاه مني غلطـه بزلـت السـان=او ساعت (ن)من غير قصد(ن)هجرته
الله واكبر مـن سنـا العـام لـلان=طيفـه يـراودنـي بحلم(ن)حلمـتـه
وابحرت مع حلمه على متن ركبـان=بسبع البحور وبكـل بحر(ن)سبحتـه
اصادف الي كـان ماهـو بحسبـان=اشياء غريبه بحدس فكـري رسمتـه
غبت بحر مملي بجوهـر ومرجـان=والؤلـؤ الـي يبـهـرك لنظـرتـه
وصفوت حجر يلمع كريم(ن)وينصـان=بيـن الاسـاور والذهـب لاوظعتـه
حاولت اقـرّب منـه واخـذه بتقـان=واقيـس حجمـه واملكـه لا وزنتـه
واثـره بعيـد وبعـده يزيـد لـبـان=وانـا اول احسبـه قريـب وقربتـه
وصحيت من حلمي ولاشي قـد كـان=وفسرته ومضمـون حلمـي عرفتـه