العمر رحله .. والليالي محطات **********
********** والناس رحّل .. والفعول الركايب
احدٍ ينول ابها سفوح الطويلات **********
********** واحدٍ عقب ذاك التعب عاد خايب
يا كم سهر قلبي على العهد ما بات **********
********** في حروة اللي من ورى البعد غايب
يا ما نزفته دمْع في وسط الابيات **********
********** ويا ما بكيته دم والقلب ذايب
لا من تباطيته اشوف النهايات **********
********** اقرب لنفسي من عظام الترايب
واحس عمري يبتدي بي ليا جات **********
********** وانسى همومٍ ماضيات ومصايب
واحس باني اسعد الناس بالذات **********
********** لوه على نفسي ديون وطلايب
له من صميم القلب ازكى تحيات **********
********** واطيب عبيرٍ ينفحنه هبايب