السلام عليكم ورحمة الله وبركاته ..

تحية طيبة لكم جميعاً ..

اترككم مع الأبيـــات وكلـي أمــل أن تنال اعجــابـكــم ..



يسوقني شوقي وأنا أسوق الأقدام *** الله يساعدني على حر شوقي

لا جيت ابرقد قال هيهات بينام *** احد(ن) ينام وكل شوقه خفوقي

قلت إيـه لكني مع الوعد قدام *** والله يبـوق إلـي بعـشيـره يبوقي


ماغيرتـنـا شـيـن تصريف الأيـام *** أخـذت قلبه واستحـل الخفـوقي

رغـم المشاكـل رغـم تنفيذ الأحكام *** يـقـول مغـيرك عشـير(ن)يلوقي

ليلة وعد معها عنا شهور وأيام *** مع من معايه صادق(ن) ما يبوقي

أحبها حـب الشـجاعـة لـصـّدام *** وأحبـها حـب البـدو للـبـروقـي


غلاه عندي مثل سالم لهمام *** ساكن بقلبي وساير(ن) في عروقي

يالايمين القلـب والله منـلام *** الله عطـاه أحــلا مـحبـه وذوقــي

فرقاه سبب داخلي ضيق وآلام *** وقربه يطفي قاسيات الحروقي

يا الله ترحم ميت الحب منظام *** وتجمع قلوب(ن) بالملاقا تروقي


أخوكم : متعـب الشعبانــي