اقتباس:
المشاركة الأصلية كتبت بواسطة الكنق ابن براك 
بكل صراحه قصيده عجبتني حبيت نزلهاا لكم بالموقع
قصيدة من بنت قالتها يوم عرفت ان حبيبها
تزوج غيرهاا
جاني الخبر ياصاحبي واظلم الكون
قدام عيني ثم نطقت الشهاده
علي العموم اقولها الف مليون
مبروك من قلب شكالك ابعاده
مبروك لا يهمك سواليف وضنون
من عاشق يهديك فرحة فؤاده
سو الفرح اليوم وابليس ملعون
واللي يشب النار يجني رماده
انا اول العالم على القصر يلفون
اول معازيم الفرح والحداده
ابشر انا برقص على العرس بالهون
كلً يعبر فرحته باجتهاده
لو البلا رقصي يقلون مزيون
المشكله القلب يفضح وداده
يوم العذاري في دخولك يغنون
وعروستك بأحلى ثواني السعاده
كنت اتمنى بدالها والله اكون
واحط انا كفي تحت راسك وساده
وشلون أبكتم صرختي يوم تمشون!
تكفى....خذني للعروسه قلاده
حتى معازيم الفرح قاموا يمشون
واصبحت انا وحدي بدون استفاده
وطفو عليٍ النور من غير يدرون
قصر الفرح ياقبريً ويامهاده
وصيتي لو جاتك بنت وانا امون
سمها على اسمي قبل الولاده