على طاري هموم القلب والآهات والتنهيت
وعلى طاري طريق الحب وابعاده وتغريبـه
بغيت اكتب قصيدة شعر لكن الخلل فالبيت
تذوب احروف بيت الشعر قبل انهيه واجيبه
لك الله ياحروفي دام عانيتي وانا عانيت
من الهجران واسبابه ومن بعـده وتعذيبـه
اشيل الهم في قلبي واسج وليت ماسجيت
وإذا سج الفؤاد العقل له هوجاس يسريبـه
الا ياحظي العاثر علامك ليه وش سويـت
تولجت الغرام اللي غداء عقلـي يهذريبـه
تركت الناس في كفه ورحت لعالم التشتيت
اهوجس بس بالغالي وشيل الهم ومشيبـه
زمان العشق مايرحم وانا ياصاحبي مليت
وش اللي باقين فيني من المعروف تحريبه
ترفق لارحمك الله وفك اشويـه التثبيـت
اذا عندي باقايا عشق اخاف الناس تدريبـه
كتمت الهم لكني على حدي كذا وازريـت
وانا عارف مدى صبري اوحده زين وداريبه
صحيح اني معك وافي ولكني اذا اخطيـت
تراك انت السبب قلبي تعب ما ادرك مطاليبه